ಕಂದರಿಗೆ ಕನ್ನಡ ; ಐದು ರುಪಾಯಿ ಪುಸ್ತಕ ಮಾಲೆ
ನರ್ಸರಿ ಇಂದ ೮ ನೇ ತರಗತಿ ವರೆಗಿನ ಮಕ್ಕಳನ್ನು ಗಮನದಲ್ಲಿ ಇಟ್ಟುಕೊಂಡು ಇತಿಹಾಸ, ವಿಜ್ಞಾನ, ಗಣಿತ, ಸಾಹಿತ್ಯ, ವ್ಯಕ್ತಿಚಿತ್ರ, ಪಾಕ ಮತ್ತು ತತ್ತ್ವಶಾಸ್ತ್ರ ಇನ್ನಿತರ ವಿಚಾರ ಕುರಿತಂತೆ ಪುಟ್ಟ ಪುಸ್ತಕಗಳ ಪ್ರಕಟನೆ ಮತ್ತು ಕೇವಲ ಐದು ರೂಪಾಯಿಗೆ ಮಾರಾಟ.
ಪ್ರಕಾಶನ · ಸಮುದಾಯ · ಸಾಹಿತ್ಯ ಪತ್ರಿಕೆ
ಸೃಜನಶೀಲ ಹೊಸಪ್ರಯೋಗಗಳಿಗೆ. ವರ್ತಮಾನದ ತಲ್ಲಣಗಳ ಅಭಿವ್ಯಕ್ತಿಗೆ.
ವಾಣಿಜ್ಯ, ವಿಜ್ಞಾನ, ತಂತ್ರಜ್ಞಾನಗಳಲ್ಲಿ ಕಲಿಯುತ್ತಿರುವ, ದುಡಿಯುತ್ತಿರುವ ಗ್ರಾಮೀಣ ಸೃಜನಶೀಲ ಯುವ ಸಮುದಾಯ. ಕಲೆ, ಸಾಹಿತ್ಯ, ಸಂಗೀತ, ಸಂಸ್ಕೃತಿ, ಪರಿಸರ, ಕೃಷಿ ಮತ್ತು ಗಾಂಧಿ – ಅಂಬೇಡ್ಕರ್ ಚಿಂತನೆಯ ಸುತ್ತ ಪುಸ್ತಕ, ಪತ್ರಿಕೆ ಮತ್ತು ಸಂವಾದ.
ಸಂಕಥನವು ವಾಣಿಜ್ಯ, ವಿಜ್ಞಾನ, ತಂತ್ರಜ್ಞಾನಗಳಲ್ಲಿ ಕಲಿಯುತ್ತಿರುವ, ದುಡಿಯುತ್ತಿರುವ ಗ್ರಾಮೀಣ ಸೃಜನಶೀಲ ಯುವ ಸಮುದಾಯ. ಕಲೆ, ಸಾಹಿತ್ಯ, ಸಂಗೀತ, ಸಂಸ್ಕೃತಿ, ಪರಿಸರ, ಕೃಷಿಗೆ ಸಂಬಂಧಿಸಿದಂತೆ ಪ್ರಾತ್ಯಕ್ಷಿಕೆ, ಸಂವಾದ, ಕೃತಿ ಪ್ರಕಟಣೆ – ಪ್ರಸರಣ, ವಿಶೇಷವಾಗಿ ಗಾಂಧಿ – ಅಂಬೇಡ್ಕರ್ ಚಿಂತನೆ.. ಕಳೆದುಹೋಗುತ್ತಿರುವ ನೆಲಮೂಲ ಸಂಸ್ಕೃತಿಯ ಕುರಿತು ಅರಿವು, ಅಧ್ಯಯನ ಇದರ ಮೂಲ ಭೂಮಿಕೆ.
೨೦೦೫ ರಲ್ಲಿ ಮಂಡ್ಯದಲ್ಲಿ ‘ಸೃಜನ’ ಹೆಸರಿನಲ್ಲಿ ಶುರುವಾದ ಸಮೂಹವು ‘ಅನೇಕ’ವಾಗಿ ಕಡೆಗೆ ೨೦೧೫ರಲ್ಲಿ ಬೆಂಗಳೂರಿನಲ್ಲಿ ‘ಸಂಕಥನ’ ವಾಯಿತು. ಇವಾಗ ಸಂಕಥನವು ಒಂದೆರಡು ಊರಿನ ಜನರ ಸಮೂಹವಾಗಿಲ್ಲ. ಅಂತರ್ಜಾಲ ತಾಣದಲ್ಲಿ ಹಲವು ಊರುಗಳ, ಹಲವು ಜನಗಳ, ಹಲವು ಓದುಗಳ ಸಮೂಹವಾಗಿ ಬೆಳೆದಿದೆ.
ಯುವ ಕವಿ ಮತ್ತು ಬರಹಗಾರ ರಾಜೇಂದ್ರ ಪ್ರಸಾದ್ ಕೆ, ಮಂಡ್ಯ ಇದರ ಸಂಚಾಲಕರಾಗಿದ್ದಾರೆ.
ನರ್ಸರಿ ಇಂದ ೮ ನೇ ತರಗತಿ ವರೆಗಿನ ಮಕ್ಕಳನ್ನು ಗಮನದಲ್ಲಿ ಇಟ್ಟುಕೊಂಡು ಇತಿಹಾಸ, ವಿಜ್ಞಾನ, ಗಣಿತ, ಸಾಹಿತ್ಯ, ವ್ಯಕ್ತಿಚಿತ್ರ, ಪಾಕ ಮತ್ತು ತತ್ತ್ವಶಾಸ್ತ್ರ ಇನ್ನಿತರ ವಿಚಾರ ಕುರಿತಂತೆ ಪುಟ್ಟ ಪುಸ್ತಕಗಳ ಪ್ರಕಟನೆ ಮತ್ತು ಕೇವಲ ಐದು ರೂಪಾಯಿಗೆ ಮಾರಾಟ.
ಕಾವ್ಯ, ಕಥನಗಳಿಗಿಂತ ಹೆಚ್ಚು ಸೃಜನೇತರ ಬರವಣಿಗೆಗೆ ಒತ್ತು ಕೊಟ್ಟು ವೈವಿಧ್ಯಮಯ ಬರಹಗಳ ಪುಸ್ತಕಗಳನ್ನು ಪ್ರಕಟಿಸುವುದು ಈ ವರ್ಷದ ಉದ್ದೇಶವಾಗಿದೆ. 10+ ವಿಶೇಷ ಪುಸ್ತಕಗಳು ಈ ಸರಣಿಯಲ್ಲಿ ಸಿದ್ದವಾಗುತ್ತಿವೆ. ಕನ್ನಡ ನಾಡು – ನುಡಿಯ ಚಿಂತನೆ, ಶಾಸನಗಳ ಅಧ್ಯಯನ, ಸ್ತ್ರೀವಾದಿ ಅಧ್ಯಯನ, ಕೃಷಿ ವಿಚಾರ ಸರಣಿಯ ಪುಸ್ತಕಗಳು.
ಕಲೆ, ಸಾಹಿತ್ಯ, ಸಂಸ್ಕೃತಿ, ಸಂಗೀತ, ಪರಿಸರ, ರಾಜಕೀಯ ಪ್ರಜ್ಞೆ ಸೇರಿದಂತೆ ಹಲವು ವಿಷಯಗಳ ಮೇಲೆ ಕೇಂದ್ರೀಕೃತವಾದ ಹಿರಿಯರು-ಕಿರಿಯರು ಒಂದೆಡೆ ಸೇರಿ ವಿಚಾರ ವಿನಿಮಯ ಮಾಡಿಕೊಳ್ಳುವ, ಚರ್ಚೆ ನಡೆಸುವ ಒಂದು ಅನೌಪಚಾರಿಕ ಕಾರ್ಯಕ್ರಮವಾಗಿದೆ. ೨೦೧೯ ರಲ್ಲಿ ೬ ಮತ್ತು ೨೦೨೦ ರಲ್ಲಿ ೧ – ಕಾರ್ಯಕ್ರಮಗಳು ನಡೆದಿವೆ. ಇಲ್ಲಿ ಪುಸ್ತಕ ಮಾರಾಟ – ಕಲಾ ಪ್ರದರ್ಶನಗಳು ಕೂಡ ನಡೆಯಲಿವೆ.
ಈ ದೆಸೆಯಲ್ಲಿ ಸಂವಾದ, ಕಿರು ಸಂದರ್ಶನಗಳು, ಸಾಕ್ಷ್ಯ ಚಿತ್ರ ಪ್ರದರ್ಶನಗಳು ನಡೆಯಲಿವೆ. ಸಂವಿಧಾನ, ಸಂಸತ್ತು, ಸ್ವಾಯತ್ತತೆ ಕುರಿತಂತೆ ಸಣ್ಣ ಹೊತ್ತಗೆಗಳು ಪ್ರಕಟನೆ.
ಡಿ.ಆರ್ ನಾಗರಾಜರ ನೆನಪಿನ ಉಪನ್ಯಾಸ
ಶಂಬಾ ನೆನಪಿನ ಉಪನ್ಯಾಸ (ಕನ್ನಡ ನುಡಿ ಕೇಂದ್ರಿತ)
ಅಧ್ಯಾತ್ಮ ಪ್ರಜ್ಞೆ ಮತ್ತು ವೈಚಾರಿಕತೆಯನ್ನು ಮುಖ್ಯವಾಗಿರಿಸಿಕೊಂಡು ಪರಂಪರೆಯ ಜೊತೆಗೆ ಮುಖಾಮುಖಿಯಾಗುವ ಹಲವು ಭಿನ್ನ ಮಾರ್ಗ-ಪಂಥಗಳ ಜೊತೆಗೆ ಒಡನಾಡುವ ಅವಕಾಶವನ್ನು ಶಿಬಿರಗಳನ್ನು ಏರ್ಪಡಿಸುವ ಮೂಲಕ ಸಂಕಥನದ ಗೆಳೆಯರಿಗೆ ಒದಗಿಸಲಿದೆ.
ಹವಾಮಾನ ಬದಲಾವಣೆ, ಮಾಲಿನ್ಯ, ನೀರಿನ ಸದ್ಬಳಕೆ, ನೈಸರ್ಗಿಕ ಕೃಷಿ, ಹಲವು ಉಪಕಸುಬುಗಳ ಪರಿಚಯ, ಕುರಿತಂತೆಯು ಕಾರ್ಯಕ್ರಮಗಳನ್ನು ಏರ್ಪಡಿಸುವುದಿದೆ. ಹಾಗೆಯೆ ಇದೇ ನೆವದಲ್ಲಿ ಐತಿಹಾಸಿಕ ಮತ್ತು ಪ್ರೇಕ್ಷಣೀಯ ಸ್ಥಳಗಳಿಗೆ ಚಾರಣಗಳನ್ನು ಕೂಡ ನಡೆಸಲಿದೆ.
ಮುದ್ರಣ ಮಾಧ್ಯಮವು ಮನುಷ್ಯ ಸುಲಭವಾದ ಕಾಲದಲ್ಲೇ ಆಯಾ ಭಾಷೆಗಳಲ್ಲಿ ಸಾಹಿತ್ಯಿಕ ಪತ್ರಿಕೆಗಳು ಶುರುವಾದುವು. ಕನ್ನಡದಲ್ಲಿ ಸಾಹಿತ್ಯಿಕ ಪತ್ರಿಕೆಗಳ ದೀರ್ಘ ಇತಿಹಾಸವೇ ಇದೆ. ಆದರೆ ಡಿಜಿಟಲ್ ಮಾಧ್ಯಮವು ಮುನ್ನೆಲೆಗೆ ಬರಲು ತೊಡಗಿದಂತೆ ಮುದ್ರಣ ಮಾಧ್ಯಮದಲ್ಲಿದ್ದ ಸಾಹಿತ್ಯಿಕ ಪತ್ರಿಕೆಗಳು ಬೇರೆ ಬೇರೆ ಕಾರಣಗಳಿಗೆ ನಿಂತುಹೋಗ ತೊಡಗಿದವು.
ಹಾಗಿದ್ದಾಗ ಅಂತರ್ಜಾಲ ತಾಣಗಳಲ್ಲಿ ಪರಸ್ಪರ ಪರಿಚಯವಾಗಿದ್ದ ಗೆಳೆಯ, ಹಿರಿಯ ನೆರವಿನಿಂದ ರಾಜೇಂದ್ರ ಪ್ರಸಾದ್ ೨೦೧೫ ರ ಮೇ 17 ರಂದು ಸಂಕಥನ ಪತ್ರಿಕೆಯ ಮೊದಲ ಸಂಚಿಕೆ ಹೊರತಂದರು. ಅದಾದ ಮೇಲೆ ಕಾಲವ್ಯತ್ಯಯದಲ್ಲಿ ಒಟ್ಟು 8 ಸಂಚಿಕೆಗಳು ಮಾತ್ರ ಪ್ರಕಟವಾದುವು. ಆರ್ಥಿಕ ಅಡಚಣೆ, ನಿರ್ವಹಣೆ ಇತ್ಯಾದಿಗಳ ಕಾರಣದಿಂದ ೨೦೧೭ ಕ್ಕೆಲ್ಲ ಪತ್ರಿಕೆ ಪ್ರಸರಣ ನಿಂತಿತು.
೨೦೨೦ ರ ಮಧ್ಯ ಭಾಗದಲ್ಲಿ ಸಂಕಥನ ಸಾಹಿತ್ಯ ಪತ್ರಿಕೆಯನ್ನು ಉಳಿಸಿರುವ ಬಾಕಿ ಸಂಚಿಕೆಗಳ ಸಮೇತ e-ಸಂಚಿಕೆಗಳಾಗಿ ರೂಪಿಸುವ ಕೆಲಸಕ್ಕೆ ಕೈ ಹಾಕಿದೆವು. ಬರೋಬ್ಬರಿ 20 ಸಂಚಿಕೆಗಳ ಕೆಲಸ! ಹೊಸ ಸಂಚಿಕೆಗಳು ಸಿದ್ದವಾದಂತೆಲ್ಲಾ ನಮ್ಮ ವೆಬ್ ಸೈಟಿನ ಕಪಾಟಿಗೆ ಸೇರಲಿವೆ.
‘ಅನೇಕ’ ಎಂಬ ಹೆಸರಿನಲ್ಲಿ ಶುರುವಾದ ನಮ್ಮ ಸಾಹಿತ್ಯ ಬಳಗವು ಇದುವರೆಗೂ ಹಲವು ಕೃತಿಗಳನ್ನು ಪ್ರಕಟಿಸಿದೆ. ‘ಕಾವ್ಯ’ವು ನಮ್ಮ ಆದ್ಯತೆಯ ಪ್ರಕಾರ. ವರ್ತಮಾನದ ಪುಸ್ತಕ ಪ್ರಕಾಶನ ಸಂಸ್ಥೆಗಳು ‘ಕಾವ್ಯ’ವನ್ನು ನಿರ್ಲಕ್ಷಿಸುವುದು ಸಾಮಾನ್ಯ ಸಂಗತಿಯಾಗಿಬಿಟ್ಟಿದೆ. ಆದರೆ ಅನೇಕವು ಮೊದಲಿನಿಂದಲೂ ಕಾವ್ಯಕ್ಕೆ ತನ್ನ ವಿಶೇಷ ಆದ್ಯತೆ ನೀಡಿದೆ. ಅದೀಗ ‘ಸಂಕಥನ’ ಮತ್ತೊಂದು ಬಗೆಯ ಪ್ರಕಟಣಾ ವಿಭಾಗವಾಗಿ ವಿಲೀನಗೊಂಡಿದೆ. ಕಾವ್ಯದ ಜೊತೆಗೆ ವಿಜ್ಞಾನ, ಇತಿಹಾಸ, ಕೃಷಿ ಮುಂತಾದ ವಿಷಯಗಳ ಉಪಯುಕ್ತ ಪುಸ್ತಕಗಳನ್ನು ಪ್ರಕಟಿಸುತ್ತಿದೆ.
ಕೆಟಲಾಗ್ (WhatsApp)ಸಂಕಥನ
#72, ಭೂಮಿಗೀತ
6 ನೇ ತಿರುವು, ಉದಯಗಿರಿ
ಮಂಡ್ಯ – 571401
9019529494
ಸೋಮ–ಶುಕ್ರ: 6am – 5pm
ವಾರಾಂತ್ಯ: 7am – 4pm